Kим Кардашијан и Пит Дејвидсон сега се де факто пар: забележани се заедно како одат на вечера во прекрасниот дом на еден од најбогатите луѓе во светот.
Очигледно дека љубовната приказна на Ким Кардашијан и Пит Дејвидсон се развива добро. Ѕвездата на The Keeping Up With the Kardashians и комичарот на Saturday Night Live беа забележани уште еднаш заедно, вечерта во вторник, 25 јануари, овој пат како одат на вечера во домот на мултимилијардерот Џеф Безос во Лос Анџелес. Само еден ден претходно, Ким била забележана како пие кафе со Хилари и Челзи Клинтон во кафулето Hot & Cool во паркот Канога.
Кардашијан (41) и Дејвидсон (28) почнаа да се забавуваат минатиот октомври а сега веќе се неразделни. Во последно време се почести се заедничките јавни појавувања.
Двојката воопшто не изгледа вознемирена од постојаните провоцирања од Канје Вест, поранешен сопруг и татко на децата на инфлуенсерката. Напротив, врската со Пит Дејвидсон изгледа дека е свеж воздух за Ким Кардашијан, по многу озборуваното раскинување со Канје Вест.
