Американската манекенка Ајрланд Болдвин проговори за зависностите со кои се борела. Таа минувала низ вистинска животна драма додека се борела со алкохолот и дрогата. Манекенката учествуваше на Red Table Talk со нејзината мајка Ким Бесинџер и изјави дека нарушувањата во исхраната влијаеле на нејзиниот живот, но и на односот со семејството.
-Го допрев дното, почнав да земам лекови и не можев да престанам да ги пијам. Отидов толку далеку со дрога и алкохол што не можев да спијам – призна таа.
Во еден момент почнала да ги оттурнува најблиските луѓе од себе.
View this post on Instagram
-Ги изолирав сите мои вистински пријатели, но и семејството. Едноставно немав контрола над ништо во мојот живот. Се борев и со нарушувања во исхраната. Не разговарав со моите родители околу една година. Ги гледав некаде, но толку ми беше срам бидејќи станав зависник. Едноставно станав друга личност. Бев слаба и безживотна – рече таа.
Ајрланд во август 2020 година на социјалните мрежи ја сподели веста дека поминала точно шест години „без анорексија и булимија“.
View this post on Instagram
-Од мала на интернет ме нарекуваа грда, безвредна и неважна. Тоа не е ништо ново – напиша тогаш таа.
-Со години гладував, пиев, си ја мерев тежината, си го уништував телото затоа што некој „трол“ ми рече дека никогаш нема да бидам слаба и убава како мајка ми. Сега кога го поминав сето тоа страдање, конечно можам да кажам дека сум над сето тоа – додаде таа.
