Манекенката Ајрленд Болдвин ги отфрли гласините дека нејзините познати родители Алек Болдвин и Ким Бесинџер сè уште ја финансираат бидејќи им откри на своите следбеници на TikTok дека е сопственичка на фирма.
– Моите родители многу ми помогнаа во животот. Тие ми го направија животот многу полесен отколку родителите на многу други луѓе – рече таа во видео на TikTok.
Меѓутоа, Бесинџер сега си го живее својот живот додека Болдвин има многу деца и сопруга за издржување, вели Ајрланд.
Во друго видео таа со своите следбеници сподели со што се занимава моментално.
– Јас сум сопственичка на фирма. Со моето момче отвораме кафуле, вински бар и бутик – рече таа и додаде дека работи и на вдомување кучиња.
Кога корисник на TikTok коментираше на видеото нарекувајќи ја Ајрленд „бебе на непотизмот“, младата претприемачка возврати со друго видео.
– Ништо не е полошо од тоа кога некој ќе се роди во познато семејство и нема да успее. Треба да се признае дека тие врати му се отвориле и дека му било полесно отколку на многу други. Дефинитивно имаш предност кога имаш познати родители – призна Ајрленд.
Таа објасни дека не е тешко да се прифати дека истовремено може да биде привилегирана, но сепак да има одвоен живот од родителите.
„Не се врткам околу нив и не чекам да ми дадат можност да правам работи“, рече таа за Болдвин и Бесинџер, кои се разделија во 2001 година, шест години по нејзиното раѓање.
– Јас сум сво личност и си правам свои работи и знам дека можеби е тешко да се прифати тоа – објасни таа.
Ајрленд неодамна дебитираше со својата нова фризура, за која призна дека и требало долго време за да собере храброст.
– Косата ми е уништена поради долгогодишно избелување и моделирање од мојата 17-та година. Отсекогаш сакав да го направам ова, но се плашев – признала таа.
View this post on Instagram
