Кенсингтонската палата ги демантираше гласините за третманот на Кејт Мидлтон. За ова пишува Ин стајл (InStyle).
Поради долгото отсуство на принцезата од Велс од очите на јавноста, многу обожаватели почнаа да шпекулираат за нејзината точна локација. Поточно, почнаа да се шират гласини дека идната кралица не е во Англија, туку всушност се лекува од рак во Центарот за рак MD Anderson во Хјустон.
Сепак, претставник на палатата ги негираше шпекулациите, а медицинските работници одбија да коментираат поради законите за доверливост на пациентите.
Последното официјално појавување на Кетрин Мидлтон во јавноста беше на 25 декември 2023 година, кога присуствуваше на традиционалната божиќна утринска служба во Сандрингем во Норфолк со остатокот од кралското семејство.
„Тоа беа неверојатно тешки неколку месеци за целото наше семејство, но имав фантастичен медицински тим кој одлично се грижи за мене, за што сум многу благодарна“, рече Кејт кон крајот на март 2024 година.
Не се знае точно каков вид на рак има принцезата од Велс. Нема информации ниту кога таа ќе се врати на јавните обврски. Кралското семејство најверојатно ќе се појави на балконот на Бакингемската палата за време на Trooping the Color 2024 на 15 јуни. Повеќе извори се уверени дека јавноста нема да ја види сопругата на принцот Вилијам до 2025 година.
