Војвотката Кејт Мидлтон се подготвува за нејзината идна улога инспирирана од најдобриот можен модел: кралицата Елизабета. Од неа „учи набљудувајќи“, токму од неа го презеде познатото мото „Никогаш не се жали, никогаш не објаснувај“. Но Кејт, на мудрата животна филозофија на кралицата, ѝ додава „допир на модерност“.
View this post on Instagram
На 40 години, срамежливата поранешна обична жителка на Лондон, Кејт Мидлтон, медиумите се повеќе ја нарекуваат„совршена кралица“ кога Вилијам ќе стане крал. За Кејт-манијата се зборува со години, но на крајот на 2020 година имаше анкета која покажа дека Кејт е попопуларна од легендарната Елизабета Втора. Анкетата на таблоидот Дејли Експрес всушност ја лансираше цврсто во водство како член на кралското семејство најомилена кај луѓето, со 42% од преференциите, наспроти 36% на кралицата. Оваа популарност, во тоа време се објаснуваше со големата хуманитарна посветеност на војвотката од Кембриџ за време на ковид -пандемијата. Секако за Кралицата исходот од анкетата не беше извор на загриженост. Затоа што Кејт покажува посветеност на круната и сака да учи од кралицата.
Сали Бедел Смит, биографот на Елизабета, штотуку објасни за „Пипл“ дека Нејзиното Височество е она што ја инспирира Кејт да се подготви за нејзината идна улога како кралица: „Кетрин учи набљудувајќи, и апсорбира толку многу од деведесет и шесте- годишната кралица“. Иако разликата во возраста од 56 години е голема меѓу нив, „Кејт и кралицата имаат многу заедничко: и двете се лојални, со стоички став, и дискретни. Кејт е совршено олицетворение на неофицијалното мото кое кралицата ја води низ јавниот живот: „Никогаш не се жали, никогаш не објаснувај“.
Кејт е инспирирана од кралицата и во однос на стилот, толку многу што често носи накит позајмен од кралицата. Во јавните појавувања Елизабета секогаш носи светли бои, за сите да ја забележат во толпата. „Кејт го следеше примерот, и тоа функционира и за неа“, објасни пријател на војвотката за „Пипл“.
Некои од кралските експерти сметаат дека Кејт „одела на училиште“ кај кралицата. Односно дека Нејзиното Височество ѝ одржала формални „лекции“. Историчарката Сара Гриствуд пак, смета – како што пренесува Пипл- дека кралицата Елизабета ѝ покажувала низ годините на Кејт како треба да се однесува како кралица. „Кралицата отсекогаш претпочита да прави наместо да кажува. Таа не е навикната да дава строги инструкции. Таа повеќе сака да ја изрази својата гледна точка подискретно, преку зборовите „Мислам дека би било добро ако…“ . Накратко: Кејт буквално не одела „во училиштето на кралицата“, туку пораснала под нејзино будно око. И знаела да ги цени и прифати нејзините предлози.
View this post on Instagram
Но, Кејт Мидлтон не е само копија на кралицата. Како што објаснува Гриствуд, сопругата на Вилијам, иако е „способна да се усогласи со правилата на кралскиот живот“, таа ја впива античката институција на британската монархија со нејзиниот „личен допир на модерноста“. Кејт и Вилијам, фокусирајќи се на прашања како што се менталното здравје или родителството, што е на прво место за нив (вклучувајќи ја и круната), „играат многу важна улога во пронаоѓањето точка на врска помеѓу круната и темите за кои Виндзор изгледаа речиси рамнодушни. “, објасни поранешен член на кралскиот персонал за „People Royals“. Така сите се согласуваат во едно – кога ќе дојде нивното време, војводите од Кембриџ ќе бидат „идеален кралски пар“.
