Новата фотографија објавена на Инстаграм од 28-годишната ќерка на принцезата Стефани од Монако фасцинира со сличноста на војвотката од Велика Британија, Кејт Мидлтон.
Многумина ја забележаа големата сличност на 28 годишната Полин Дукрут, со четириесетгодишната војвотка од Кембриџ.
Едната е родена во кнежевството Монако, другата во Англија. Едната има 28 години, другата 40. Сепак, Полин Дукрут и Кејт Мидлтон изгледаат како да се разделени уште при раѓањето, како што истакнаа многумина на Интернет по последната фотографија што на Инстаграм ја сподели ќерката на Стефани од Монако.
Некои истакнаа дека насмевката, косата и цртите им се многу слични. Други пак, коментираа: „Мислев дека тоа е фотографија на Кејт како млада“.
View this post on Instagram
Сличноста е уште поочигледна ако ги погледнеме фотографиите на Кејт кога таа беше на иста возраст со Полин. На пример, оние направени во 2010 година во палатата Сент Џејмс по повод официјалната свршувачка со Вилијам.
View this post on Instagram
Всушност, двете убавици од две различни кралски семејства имаат многу заедничко. Полин има поиздолжен нос и малку повеќе аголни карактеристики на лицето, но сладоста на изразот е многу слична.
View this post on Instagram
Покрај физичката сличност, Полин и Кејт имаат уште нешто заедничко: и двете кралски членови не се принцези. Кејт еден ден ќе биде кралица, но титулата принцеза не ја доби, бидејќи само жените родени во британското кралско семејство можат да се препознаат како „вистински“ принцези, како во случајот со принцезата Маргарет, принцезата Ана и ќерката на Кејт и Вилијам, принцезата Шарлот. Меѓутоа, кога Чарлс од Англија ќе стане крал, Вилијам ќе ја преземе титулата принц од Велс, а Кејт би можела да ја земе титулата „Принцеза од Велс“ доколку сака, како пред неа нејзината покојна свекрва Дијана.
Полин, ќерка на Стефани од Монако и поранешниот телохранител Даниел Дукрут, и покрај тоа што е шеснаесетта во редот за наследување на престолот во Монако, нема благородна титула. За 28-годишната девојка, сепак, титулите (и судските работи) изгледаат како најмалата нејзина грижа. Среќно свршена (со Максим Џакарди), Полин по минатото како нуркач (учествуваше и на Олимписките игри) сега е ценета дизајнерка која ги претстави своите колекции и на модната недела во Париз. Таа го основаше својот еко-одржлив и унисекс бренд „Алтер“ во 2018 година. Дипломирала на Институтот Марангони во Париз, а потоа и на Факултетот за дизајн на Парсон во Њујорк. Верна на нејзиното омилено мото – „слобода е да се биде свој“ – Полин избра да го живее животот што ѝ се допаѓа. Живот создаден од многу страсти на кои ќе се додаде уште една, сосема нова, и на која сигурно би се гордеела бабата Грејс Кели. Всушност, Полин ќе дебитира на големото платно: наскоро ќе ја видиме како протагонист на документарниот филм Форминг, филм целосно посветен на нејзиниот живот како спортиска од кралско семејство.
View this post on Instagram
