Јелена Карлеуша уште еднаш објави опширен статус на Инстаграм, во кој ги „исмејува“ колегите од естрадата.
Нејзиниот статус предизвика огромни реакции и коментари во јавноста на социјалните мрежи.
„Дали сметате дека некој кој цел концерт пее туѓи песни (зашто свои нема или ги има премалку за концерт) треба да се нарекува музичка ѕвезда или не?“, праша Карлеуша во објавата и нападна – “Народот доаѓа како во кафана на мега микс“.
Поединци мислат дека Карлеуша, преку оваа објава на Инстаграм, ја прозвала и колешката Александра Пријовиќ, моментално најуспешната жена на регионалната естрада, која ги полни арените низ регионот до последно место со повеќе последователни концерти. Причината за тоа е што Александра Пријовиќ на нејзините концерти ги пее своите големи хитови, но ги пее и хитовите на Парни Ваљак и Тајчи, а на сцената ги донесе и колегите и пријателите – Лепа Брена, Јелена Розга, Теа Таировиќ, Сања Вучиќ … и со нив ги испеа во дует нивните хитови. Сепак, Карлеуша беше заобиколена.
