Калиопи раскажа интересна приказна која открива каква личност е таа всушност, според една одредена ситуација во која се наоѓа.
Таа гостуваше во емисијата „Нешто конкретно“ која ја води Снеже Велков, а во најавата за новата сезона на Инстаграм, се вели вака:
– Бидејки сите велат „Секоја чест на исклучоците“, ние на почетокот на оваа сезона правиме исклучок и почнуваме со една гостинка. А, бидејќи малкумина веруваат во исклучоци ние денес ви покажуваме дека исклучокот има Име.
Што било и да сте помислиле за неа и сте сакале да ја ставите во одредена категорија таа излегува од сите рамки. Не се придружува кон некакви кланови или групирања ами сама по себе клан.
И затоа е исклучително редок пример на исклучок од сите правила.
Со Калиопи зборувавме на разни теми: за егото, за пријателите, за очекувањата и разочарувањата за цената на пазарот и за вредноста на пејачите, за пејачките шоуа и за погрешните и вистинските вредности…
А таа пак, покажа дека нејзината големина е токму во можноста да се смали за да биде Нашата Калиопи. Ние сме на Калиопи-Калиопи е наша – се вели во најавата.
А кога Снеже Велков ја прашува: „Чекаш да те поздрават или ти си таа првата која поздравува кога ќе се најде во просторија?“
– Веројатно сега вака кога ме прашуваш, ми текнува. На улица кога одам и ќе забележам дека некој ме гледа, јас прва велам добар ден. Поздравувам да, не чекам некој да ме поздрави – откри Калиопи.
