Одредбата ќе создаде заштитен штит за секој кој практикува, помага или врши абортус во државата, дури и за оние кои ќе дојдат во Калифронија во потрага по здравствена заштита.
View this post on Instagram
Гувернерот на Калифорнија, Гевин Њусом, потпиша нов закон за зајакнување на правата за абортус во државата по одлуката на Врховниот суд да ја поништи пресудата Роу против Вејд.
При потпишувањето на наредбата, Њусом рече дека се чувствува „решително и луто“. Њусом на прес-конференцијата додаде дека „Во оваа земја жените се третираат како граѓани од втор ред, жените се третираат како помалку важни. Тоа е проклето болна работа“, заклучи тој.
Новиот закон во Калифорнија, усвоен од државниот парламент во четвртокот, ќе создаде заштитен штит против каква било потенцијална граѓанска акција надвор од државата за секој кој практикува, сведочи или врши абортус во Калифорнија. И ќе ги заштити не само жителите на државата туку и сите оние кои патуваат во Калифорнија во потрага по здравствена заштита.
Еден вид слободна територија, со институција која внимателно ја следи пресудата на врховниот суд, на спротивниот „табор“.
View this post on Instagram
Јавниот обвинител на Калифорнија, Роб Бонта, исто така ја критикуваше пресудата: „Оваа одлука е единствена: таа е напад на приватноста, слободата, самоопределувањето и еднаквоста“. Според Бонта, Калифорнија „останува засолниште за оние на кои им треба абортус, а абортусот останува целосно легален: во Калифорнија одбиваме да го вратиме часовникот на историјата и да дозволиме радикалните идеологии да вршат контрола врз вашето тело“, заклучи тој.
