Вечерва, со почеток во 20 часот во Драмски театар ќе се изведе претставата „Диши“ по текст на Данкан Мекмилан во режија на Димче Николовски-Димсата.
„’Диши’ е прекрасен предизвик кој не дозволува да му се доближиш без сериозно истражување на повеќе области при сценската реализација. Секое истражување мора во себе да содржи и преиспитување. ‘Диши’ како да живее низ преиспитување. Прекрасен процес, супер соработници, едноставно уживање. Се надевам дека и публиката ќе почувствува барем еден дел од тоа наше уживање“, вели режисерот на претставата.
Билетите по цена од 300 денари се достапни на билетарница во Драмски театар и онлајн преку karti.com.mk
