Популарната српска пејачка Јелена Карлеуша отворено проговори за приватниот живот, бизнисот и семејството, откривајќи дека нејзините ќерки Атина и Ника ѝ се најголема поддршка, но и дека моментно е во финансиски долгови поради реализацијата на нови музички проекти.
Ќерките се главен маркетинг тим
Карлеуша истакна дека нејзините тинејџерки се активно вклучени во промоцијата на нејзините нови песни преку социјалните мрежи, користејќи ги своите популарни профили на ТикТок и Инстаграм.
„Тие се сега на море со татко им и гледам дека снимаат видеа со моите нови песни, и тоа ми е најбитно. Ми прават маркетинг бидејќи имаат сериозно добар ТикТок, јас го немам, па така работат за мама“, изјави пејачката, додавајќи дека нивната помош многу ѝ значела и при самото снимање на новите спотови.
„Должам пари за спотовите, но публиката го доби она што го очекуваше“
Позната по своите екстравагантни и милионски видео-проекти, Јелена призна дека сè уште не ги подмирила сите финансиски обврски кон соработниците, но верува дека летната турнеја ќе ги покрие трошоците.
„Не сум платила, јас сум должна, па се надевам дека оваа летна турнеја ќе донесе исплата на тие долгови. Но, вредеше, бидејќи се надевам дека ги исполнив очекувањата на публиката“, порача Карлеуша.
