Српската пејачката Јелена Карлеуша гостувала во емисијата „Ново југо“ на Пинк ТВ, каде отворено зборувала за својот приватен живот, емоционалните борби и периодот што го одбележа нејзиниот брак со нејзиниот поранешен сопруг Душко Тошиќ.
Карлеуша нагласила дека во текот на целиот свој живот се обидувала да не бара одмазда, туку да најде сила во простувањето.
Како што рекла Карлеуша, научила да простува за да не остане сама и затворена во сопствениот свет.
Пејачката рекла дека осаменоста денес е неопходен простор за да пронајде внатрешен мир и да ја балансира силната енергија што ја придружува и на приватно и на професионално ниво.
Зборувајќи за својот темперамент, таа навела дека е исклучително енергична дури и на настапите, каде што често ѝ се случува младите танчари да не можат да го следат нејзиното темпо, сè додека самата не се почувствува уморна.
Во продолжението на разговорот, таа се осврнала и на тешките моменти од нејзиниот брак, тврдејќи дека била изложена на длабоки понижувања.
Според нејзините зборови таквото однесување доаѓа од повредени мажи, но исто така покажува кој излегол како победник во таа борба.
Карлеуша изјавила дека нејзиниот поранешен сопруг ѝ предложил да си го одземе животот во најтешките моменти.
„Јас имав две опции, или да си го одземам животот, што го сакаше Душко, кој тоа ми го предлагаше, да си го одземам животот. Проблемот е што потоа и Дивна го загуби животот“, порачала Карлеуша.
Како што рекла, се соочила со избор помеѓу целосно предавање или борба за себе и за своите деца.
Карлеуша била особено погодена, како што изјавила, од фактот дека нејзината мајка Дивна била сведок на таа атмосфера во тој период, а дека подоцна го загубила животот.
Заклучила дека сè низ што поминала ја направило посилна и поотпорна, па дека денес не гледа начин на кој некој би можел да ѝ предизвика болка поголема од онаа што веќе ја доживеала.
