Спасен Силјановски во моментов е на турнеја низ Америка и често објавува слики од неговиот претстој таму.
Како Спасен си поминал во Детроит објави негова блиска личност, колешката Татјана Лазаревска која со сопругот Новица Василевски замина во Америка за Нова година. На видеото се гледа дека Спасен направил џумбуш, и ја пее „Македонско девојче“ качен на стол.
Последната слика која пејачот ја објавил на неговиот Инстаграм профил е од Њујорк, а претходно пееше во Њу Џерси. Во Америка, пејачот замина право од концертот на Влатко Миладиновски каде што беше гостин.
-Драги мои пријатели, роднини, фанови, обожаватели ви ја честитам новата 2026 година и ви посакувам најповеќе од се здравје. Кога имате здравје имате сѐ. На вас останатите ви посакувам повеќе разум помалку злоба и љубомора.
Фокусирајте се на себе ако сакате да бидете успешни и среќни. Никој не е виновен за вашиот неуспех освен самите. Животот е карма, тоа што посакувате тоа ви се враќа…Од вас зависи.
Ве сакам сите. Бог нека не чува сите нас и нашата Македонија- напиша Спасен во новогодишната честитка од Америка.
