Јелена Карлеуша проговори за инспирацијата зад новата балада „Сада је све океј“ и откри дали песната е поврзана со нејзиниот поранешен сопруг, Душко Тошиќ.
Пејачката, која неодамна се врати на сцената со нови песни, изјави дека баладата постигнала голем успех низ регионот и дека силно емотивно ја доживеала.
„Многу плачев додека ја снимав оваа песна. Толку ме погоди емотивно што не можевме ни од прва да ја снимиме како што треба. Луѓето ја препознаваат таа емоција“, изјави Карлеуша.
Таа откри дека многумина ја поврзале песната со нејзиниот развод од Душко Тошиќ, но нагласи дека приказната е поширока.
„Нему му беше посветена ‘Тихи убица’, а ова е продолжение на ‘Тихи убица’. Во песната има стих: ‘Саму себе заводим, од саме себе ја се разводим’, па луѓето го поврзаа тоа со мојот живот. Но, би сакала тоа да биде приказна на многу жени. Имаат едно лице дома, друго во јавноста, трето пред своите деца. Луѓето ме доживуваат како силна, а приватно сум сосема поинаква“, рече таа.
Карлеуша додаде дека по објавувањето на песната добила голема поддршка од колешките, меѓу кои Сека Алексиќ, Индира Радиќ, Драгана Мирковиќ, Јана Тодоровиќ, Ана Бекута и Милица Тодоровиќ.
Осврнувајќи се и на новата сезона на музичкото шоу „Ѕвездите на Гранд“, пејачката рече дека би сакала Дара Бубамара да стане дел од жирито.
„Таа има луда енергија, многу е духовита и брза на јазик. Би било вистинска бомба“, изјави Карлеуша.
