Новинарката Александра Спировска деновиве престојува на летен одмор во Ксамил, Албанија, каде што времето го минува со сопругот, кошаркарот Милан Димитриески, и со својот син од претходниот брак.
Од туристичкото место на брегот на Јонското Море, Спировска сподели повеќе фотографии на социјалните мрежи, на кои се гледа како ужива во тиркизната вода, плажите и зајдисонцата.
Нејзиниот летен изглед го надополни со впечатливи долги плетенки, а на фотографиите позира во црн костим за капење.
Ксамил и ова лето е една од најпопуларните дестинации во регионот, познат по кристално чистото море и малите песочни плажи, а токму него Александра и Милан го избраа за својот летен одмор.
Спировска зад себе има три брака. Од бракот со Пере, член на групата „Нокаут“, ги има ќерките Миа и Каја, додека од вториот брак го има синот Вилен.
Таа и Милан Димитриески се свршија кон крајот на 2022 година, а својата љубов ја крунисаа со црковна венчавка и свадбена прослава во февруари 2025 година.
