Младиот и популарен пејач Јаков Јозиновиќ отворено прозборе за своите музички идоли, почетоците на кариерата, но и за првата средба со младата пејачка Џејла Рамовиќ, со која во изминатиот период го привлекува вниманието на јавноста.
Јозиновиќ не ја криеше својата фасцинација од веќе докажаните легенди на балканската сцена, истакнувајќи чиј репертоар со задоволство го изведува пред публиката:
„Засекогаш би ги пеел песните на Дино Мерлин и Здравко Чолиќ. ‘Плави оркестар’ и песната ‘Ljube se istok i zapad’ е нешто што обожавам да го пеам, особено кога ги гледам реакциите на младите луѓе – преубаво е да се види тоа.“
Зборувајќи за првиот контакт и самите почетоци на блиското познанство и соработка со Џејла Рамовиќ, тој откри дека токму таа била иницијатор на нивниот прв заеднички сценски момент:
„Џејла беше моја гостинка на концертот во Сава Центар. Таа тогаш прва ми пријде и ме праша кои две песни би можеле да ги отпееме заедно. Прво бев за дуетот ‘Godinama’ од Мерлин, бидејќи го обожавам, но таа предложи тоа да биде ‘Javi trebaš li me’ со Матија Цвек. Тогаш дури ја запознав. Таа е прекрасна девојка, драга, пее најдобро на светот и веднаш си реков: ‘Зошто да не?’. Сигурен сум дека ќе соработуваме уште и дека пак ќе пееме заедно“.
На крајот, пејачот се осврна и на сопствениот творечки пат, истакнувајќи дека му е најважно да ја зачува искреноста кон публиката и дека не му пречи етикетата „ковер“ изведувач, со оглед на тоа што е млад и дури сега го издава својот прв авторски албум.
