Нема мир за руските олигарси. Ниту во Турција.
Пристигнувањето на мега-јахтата на Абрамович во турска марина, во други ситуации, би ја поттикнало љубопитноста кај озборувачите, новинари и ловците на автограми и селфи. Наместо да го пречекаат прекрасниот „Соларис“ во пристаништето во Бодрум, според турскиот весник „Созџу“, гупа поддржувачи на Украина со моторни чамци, украински знамиња и натписи „NO WAR“ ѝ оневозможиле на мега јахтата на рускиот олигарх да се закотви.
Јахтата Соларис на Роман Абрамович, сопственик на Челзи и руски олигарх погоден од санкциите во украинската криза, сепак успеала да се закотви во пристаништето на турскиот туристички центар Бодрум, во Егејското Море, пренесуваат турските медиуми.
Турската приватна телевизија НТВ јави дека луксузната јахта најпосле се закотвила во јужното пристаниште на Турција, земја која не се приклучи на санкциите против Русија, по отпловувањето од Црна Гора.
