Музичката дива Јосипа Лисац (75) е на сцената повеќе од пет децении и е позната како една од најпопуларните хрватски пејачки. Нејзината неисцрпна енергија е она што ја прави посебна и во секојдневниот живот и на сцената. Многумина ја ценат поради нејзината автентичност, од колегите до публиката, а нејзините соседи во една прилика раскажа каква е.
Ја опишуваат како многу љубезна, насмеана и симпатична жена, која секогаш ги развеселува со нејзините модни избори.
„Ако денот е сив, Јосипа ја освежува улицата со својата облека“, рече една сосетка. Им се допаѓа тоа што Јосипа носи очила за сонце дури и навечер, а додека безгрижно внесува куфери и торби во станот, ја остава вратата од нејзиниот „мерцедес“ широко отворена. Од автомобилот се слуша гласна опера, па често имаат впечаток како да се во концертна сала.
„Не знам, претпоставувам дека има добра карма, па не се плаши да го остави автомобилот отклучен. Никој никогаш ништо не ѝ зел“, рече сосетката.
Таа раскажа како една зима Јосипа излегла од автомобилот на влезот во зградата, аде што видела огромна топка мраз. Пејачката ја гледала неколку моменти, потоа ја шутнала со сета сила и влегла во зградата.
„Се расплакав од смеа“, рече сосетката за 24 часа.
Јосипа го прослави својот 75-ти роденден на Денот на вљубените, а е особено позната по својата безусловна љубов кон Карло Метикоша. Неговото име и музичко наследство се вткаени во сите нејзини настапи. Во 1973 година, таа со него го сними албумот „Дневник на една љубов“, кој во 2015 година ја освои и наградата Порин за антологија на хрватска музика.
Тие никогаш не се венчаа, но нивната љубов била неоспорна. Карло почина ненадејно на 10 декември 1991 година, а Јосипа секој концерт го посветува на љубовта на нејзиниот живот, нејзиниот Карл, на кого му останала верна до ден-денес.
