„Ми вети дека ќе ме чекаш, злато мое“, пејачката Теа Трајковска со најтажни зборови се прости од Панчо.
– My ride or die, my soulmate, my family, my homie, моја најголема поддршка во сѐ, мој ментор и најдобар пријател, мојот омилен човек на земјата, а сега на небото.
Привилегија и благослов е што те имав во овој живот и што си толку битен дел од него, што те знаев во срж и благодарна сум на секој збор и наш момент, на нашиот последен разговор, на сѐ што научив од тебе, на секој спомен што ми го остави.
И да знаев дека волку ќе болиш еден ден, пак не би сменила ништо и би одбрала да си мој најблизок човек во патувањево. Овие седум месеци ти ми беше единствениот зрак надеж и светлинка, а вчера со тебе замина и дел од мене Влатче.
Нема да постои ден кога нема да ми недостигаш, ама таа твоја душа и тоа твое срце не беа за овој свет, а Бог ги сака покрај себе таквите како тебе.
Знам само дека не заслужи ништо од ова, ама и дека си на подобро место каде што не страдаш и не се мачиш повеќе. До следното видување злато мое.
Ми вети дека ќе ме чекаш ако ме претркаш, а до тогаш знам дека ќе ме чуваш од горе.
Колку те сакам знаеш и ќе си знаеш засекогаш каде и да си. Широко небо Владе мој. Тесно беше тука за тебe“, напиша Теа Трајковска.
Панчо и Теа беа многу блиски пријатели и заедно снимаа песни. Една од нив е дуетот „Амалјија“ кој таа го сними со „ДНК“.
