Една од најпознатите текстописци на просторите на поранешна Југославија, Марина Туцаковиќ, во текот на седумдесеттите години четири години беше во љубовна врска со пејачот Оливер Мандиќ, кој во тоа време ја започнуваше својата музичка кариера.
Иако нивната романса ретко беше тема во јавноста, токму во тој период започна и нивната успешна професионална соработка. Марина за Мандиќ го напиша текстот за песната „Љуљај ме нежно“, која подоцна стана еден од неговите препознатливи хитови.
Набргу по објавувањето на песната, нивната љубовна врска завршила. Подоцна самиот Мандиќ откри дека токму тој ја донел одлуката за раскинот и призна дека Марина тешко го поднела разделбата.
„Ја оставив поради помлади и поубави девојки. Тогаш почна лудилото во мојот живот, а таа веројатно страдаше“, изјави своевремено Мандиќ.
И покрај крајот на нивната љубовна приказна, тие останале блиски соработници. Марина продолжила да пишува текстови за неговите песни и учествувала во создавањето на речиси целиот негов музички опус.
„По нашето раскинување останавме во добри односи. Таа беше двојна Скорпија, а парите најмногу ги сакаше“, рекол Мандиќ во една пригода.
Од своја страна, Марина Туцаковиќ изјави дека тие никогаш не ја криеле својата врска, туку едноставно во тоа време јавноста не покажувала интерес за приватните животи на музичарите.
„Тоа беше многу одамна. Веќе и не се сеќавам на сите детали. Оливер беше пресладок млад човек, секогаш среден и поинаков од другите. Носеше кошули и панталони. Не се криевме, туку тогаш нашата врска никого не го интересираше“, се присети Марина.
Иако нивната емотивна врска заврши, професионалната соработка продолжи уште многу години и резултираше со голем број хитови кои оставија силен белег на регионалната музичка сцена.
