Српскиот рапер Драгомир Деспиќ, попознат како Десингерица, доживеа незгода за време на настап во Црна Гора, кога за малку ќе паднеше додека се обидуваше да изведе еден од своите препознатливи перформанси со публиката.
Во моментот кога се упати кон еден посетител, тој ја потпрел ногата на звучник, кој не ја издржал тежината и се превртел. Благодарение на брзата реакција, раперот успеал да ја задржи рамнотежата и да избегне пад пред присутните.
Иако помина без посериозни последици, Десингерица се здобил со повреда на ногата. Подоцна ја покажа повредата на социјалните мрежи, каде што се гледа дека ногата му е отечена и има одрана кожа.
„Бајо, за малку ќе ја скршев ногата“, изјави Деспиќ, шегувајќи се на своја сметка.
На снимките од настапот може да се види дека тој продолжил со своите необични перформанси, па на сцената со машинка потстрижуваше еден обожавател, а потоа рендаше кашкавал над публиката.
Десингерица и претходно привлекуваше внимание со несекојдневните настапи. На некои концерти подготвуваше храна за публиката, делеше палачинки и изведуваше перформанси кои редовно предизвикуваа поделени реакции.
