Познатиот хармоникаш Мирко Кодиќ отворено проговори за најинтимните детали од својот приватен живот, признавајќи дека во текот на кариерата и браковите имал бројни љубовни авантури, меѓу кои и афера со пејачката Злата Петровиќ. Музичарот, кој зад себе има три брака и три деца, истакна дека и покрај сè, искреноста и почитувањето остануваат клучни.
Зборувајќи за аферата со Злата, Кодиќ откри дека денес ситуацијата е потполно поинаква и дека пејачката е одлична пријателка со неговата сегашна сопруга Силвија:
„Имав авантури, не сакам сите да ги именувам, но ете, ќе ја поздравам Злата Петровиќ. Таа сега е пријателка на мојата сопруга. Злата е таков лик — кога имав несреќа со ногата, прва дојде кај мене дома, донесе две торби со овошје и зеленчук и стави 500 евра на маса. ѝ реков дека имам пари, а таа ми рече: ‘Нека се најде’. Сега се шегува со мојата жена, Злата е нормален лик, додека имав и некои кои беа со мене само за да се фалат“.
Хармоникашот додаде дека секој негов претходен брак завршувал оној момент кога ќе исчезнела љубовта бидејќи одбива да живее во заедница од обврска. Денес ужива во мирот со сопругата Силвија, со која е во брак веќе повеќе години и за која вели дека е негова најголема потпора.
