Водителката Милена Антовска, која важи за едно од најпрепознатливите лица на нашите ТВ екрани, деновиве ги полни батериите на италијанскиот брег.
Милена, позната по својата непосредност и ведар дух, сподели моменти од семејното патување во сончевата Пулија, објавувајќи слика од нејзината помала ќерка Јоана.
На најновата објава, малата убавица позира пред цветна рамка со срциња, покажувајќи дека веќе ја наследила фотогеничноста од својата мајка.
Милена и нејзиниот сопруг Гордан ја имаат и постарата ќерка Лана Марија која во август ќе наполни 9 години.
„Благодарна сум му на Бога што двете деца ми се родија на големи празници. Лана Марија jа родив на Голема Богородица, а Јоана на Свети Василиј“, рече Милена.
Инаку ќерката Јоана ѝ дојде како роденденски подарок, на Милена на 13 јануари ѝ беше роденден, и по раѓањерто на ќерката рече дека е среќна е што се породи токму по овој важен ден.
