Фолк-пејачот Слободан Слоба Васиќ се најде во центарот на нов скандал откако во јавноста протекоа пораки кои наводно ги разменувал со непозната девојка, и тоа во период кога секојдневно се шпекулира за неговиот развод од сопругата Јелена.
Според пишувањата на српските медиуми, преписката настанала на крајот на јуни и почетокот на јули, а она што ја шокираше јавноста е фактот што пејачот ја поканил девојката во својот стан само пет дена по неговото излегување од клиниката „Д-р Лаза Лазаревиќ“.
Пораки со тајни опции и упорни повици
Според пораките, пејачот бил доста упорен во комуникацијата, обраќајќи ѝ се на девојката со зборовите: „Мала“ проследено со емотикони со бакнежи. Откако таа веднаш не му вратила на пораките, тој продолжил со аудио-повици и пораки: „Те барав, те нема никаде“.
Во продолжението од разговорот, Васиќ директно ја прашува: „Ќе дојдеш ли кај мене?“. Откако девојката прашува каде се наоѓа и дали е сам, пејачот потврдува дека е сам во станот и ја повикува веднаш да дојде.
Дополнителен сомнеж дека пејачот се обидел да ги скрие сите траги од оваа афера е деталот кој јасно се гледа на снимките од екранот — била вклучена опцијата за автоматско бришење на пораките (disappearing messages).
