Акцијата на сомалиските безбедносни сили за ослободување на хотелот Хајат, нападнат вечерва од исламските терористи Ал Шабаб, поврзани со Ал Каеда, напад кој досега предизвика смрт на најмалку 8 цивили, сè уште не е завршен.
Сè уште се слушаат пукотници и спорадични експлозии, додека војската ги опсадува терористите забарикадирани во популарниот хотел, посетен од Сомалијци и странци.
„Безбедносните сили сè уште се борат со терористите кои се забарикадираа во хотелска соба. Повеќето луѓе се спасени, но досега е потврдена смрт на најмалку осум цивили“, изјави командантот Мохамед Абдикадир.
„Десетици луѓе се спасени од безбедносните сили кои беа заробени внатре“, додаде тој, пренесува раињуз.
Нападот на хотелот Хајат предизвика жестока престрелка меѓу безбедносните сили и џихадистите кои сè уште се затворени во зградата, рече претставникот на безбедноста.
Портпаролот на сомалиската полиција Абдифатах Адан Хасан прецизираше дека првата експлозија ја предизвикал бомбаш самоубиец.
Очевидци изјавија дека втора експлозија се случила пред хотелот неколку минути по првата, која предизвикала жртви меѓу спасувачите, припадниците на безбедносните сили и цивилите кои се упатиле на местото на настанот. Според некои локални медиуми, повредени се и шефот на разузнавањето Мухајадин Варбац и шефот на полицијата. Во вечерните часови сè уште беше нејасно дали полицијата ја вратила контролата врз хотелот или не, пренесува раињуз.
Одговорноста за нападот ја презеде џихадистичката група поврзана со Ал Каеда, која околу 15 години се бори против терористичките напади против кревката влада на Сомалија. Шабабите беа протерани од големите сомалиски градови, вклучувајќи го и Могадишу (Хамар) во 2011 година, но останаа вкоренети во големите рурални области. Во последните месеци тие ги засилија своите напади.
Во средата, американската војска објави дека убила 13 припадници на Шабааб во воздушен напад кои ги напаѓале војниците на сомалиските сили во оддалечена област на оваа земја.
