Маск ги носи терминалите Старлинк во Киев гарантирајќи и на Украина неограничена интернет конекција. Досега се испорачани 5000 терминали Старлинк.
Американската влада му помага на SpaceX на Илон Маск да финансира и испорача илјадници сателитски интернет терминали во Украина, пренесува CNN.
Американската агенција за меѓународен развој (УСАИД) објави дека испорачала 5.000 терминали Старлинк на украинската влада кои ќе овозможат „неограничено поврзување низ целата земја“, дозволувајќи им на јавните службеници и хуманитарните работници непречено да комуницираат во рамките на Украина и со надворешниот свет дури и кога „бруталната агресија на Путин ги прекине врските“.
Веднаш по инвазијата на Русија на крајот на февруари, на барање на украинскиот вицепремиер, Маск за прв пат ја активираше услугата Старлинк за Украина, објавувајќи го на Твитер пристигнувањето на терминалите во земјата.
