Икеа ги продава сите четири фабрики во Русија. Шведскиот гигант за мебел, кој ги прекина своите активности во времето на руската инвазија на Украина, сега најави збогување со рускиот пазар.
Веста ја објави руската агенција Тасс која цитира известување од компанијата.
„На 3 март, Inter IKEA Group и Ingka Group објавија прекин на работењето на Ikea во Русија и Белорусија по војната во Украина. Оттогаш, обезбедувањето поддршка и безбедност на вработените е приоритет и групите компании можат да гарантираат 6 месеци плата на сите вработени“, стои во соопштението.
„За жал, околностите не се подобрија и разорната војна продолжува. Бизнисите и синџирите на снабдување ширум светот се сериозно погодени и не гледаме изгледи за продолжување со работа во скоро време“, се вели во белешката.
„Следствено , Интер Икеа Груп и Ингка Груп сега одлучија да влезат во нова фаза за дополнително намалување на бизнисот на Икеа во Русија и Белорусија“.
Во соопштението за печат, компанијата најавува дека ќе отпушти дел од својот персонал: „Малопродажниот бизнис на Икеа ќе се стопира, а работната сила ќе се намали“, а процесот за наоѓање нова сопственост за сите четири фабрики ќе започне’, додека увозот и извозот на производите на Икеа во и од Русија и Белорусија ќе останат во застој.
