Игор Џамбазов има нов домашен миленик, кучката Ферхунде за која се грижеше во Дојран и ѝ носеше јадење изминатиот период. На својот Инстаграм профил, актерот објави видео во кое објасни дека оваа кучка ќе ја вдоми откако тпретходно ќе биде уредно средена кај ветеринар во Гевгелија, исчистена од паразити и крлежи.
„Од денес Ферхунде Граникова започна нов живот. Далеку од опасните дојрански улици, по кои камионите шибаат стотка на саат. Далеку од лошото друштво во Сретеново со кое за жал се дружеше, со бурен ноќен живот и лаење по ѕвездите до пет сабајле.
Утрово ја сместивме во патничко возило и ја однесовме во нејзиниот привремен дом, во Гевгелија, кај тета Александра и чичо Коко. Тие ќе ја исчистат од паразити во мешето, крлежи по крзното, па бањање, па малку козметика, па шетање, па лапачка, па на крајот мирен сон.
А кога Ферхунде конечно ќе дипломира, се враќа во родниот крај каде што ќе живееме среќно до крајот на мојот живот“, напиша Игор.
View this post on Instagram
Потсетуваме дека Игор е голем љубител на животни, претходно го чуваше кученцето Бошко, а потоа и мачката Емилија.
View this post on Instagram
