По низата критики кои пристигнаа на сметка на новиот филм за животот на холивудската дива Мерилин Монро, и Емили Ратајковски се придружи на групата незадоволни гледачи.
„Не ме чуди што е објавен уште еден филм кој прави фетиш од болката на жените, дури и кога тие се мртви“, рече таа во клипот што го објави на TikTok.
Таа ги наведе Ејми Вајнхаус, Бритни Спирс и принцезата Дијана како примери на жени со кои општеството е „опседнато“.
„Сите ние всушност правиме фетиш од женската болка. Опседнати сме со мртви девојки и сериски убијци. Со сигурност можам да кажам дека научив да ја величам болката во мојот живот”, додаде таа.
Инаку, голем број гледачи го критикуваа и овој филм на Ендрју Доминик. Потсетуваме дека беа прикажани неколку одвратни сцени на силување. Филмот не се препорачува за луѓе помлади од 17 години.
Иако сите ја фалат актерката Ана де Армас, која го отелотвори ликот на фаталната русокоса, мнозинството обожаватели на Мерлин Монро го нападнаа режисерот Ендрју Доминик, кој јавно призна дека единствениот добар филм на Мерилин Монро му е „Some Like It Hot“ („Некои тоа го сакаат жешко“) и дека во филмот „How to Marry a Millionaire“ („Како да се омажиш за милионер““ сите жени се добро облечени ку*ви.
@emrata So done with the fetishization of female pain and suffering. Bitch Era 2022
