54-годишниот австралиски актер Хју Џекмен, кој продолжува да молчи за причините за разводот со сопругата Дебора-Ли Фурнес по 27 години брак, одлучи да напише книга со мемоари, пишува US Weekly.
Според упатените, тој е „во рана фаза на пишување мемоари кои ќе бидат бомба“. Извори блиски до актерот тврдат дека Џекмен отворено ќе зборува за својот живот и ќе споделува „експлозивни“ откритија.
“Хју одлучи да ја напише оваа книга сега затоа што конечно е искрен со себе. Содржината ќе се состои во тоа што Хју отворено ќе зборува за својот живот. Тој ќе биде отворен за својот живот како никогаш досега”, тврди изворот за Ју-ес Викли. Други детали за книгата се уште не се објавени.
Идните мемоари имаат големи шанси да станат вистински бестселер, бидејќи приказната за успехот на Хју и неговиот личен живот се пример за многумина.
Во мемоарите, меѓу другото, глумецот ќе отрие конечно што влијаело на распадот на еден од најсилните бракови во Холивуд.
Веста дека двојката се разведува беше големо изненадување за многу нивни обожаватели, бидејќи ништо не навестуваше проблеми. Ниту Хју ниту Дебора-Ли не разговараа отворено за нивната одлука, а се ограничија на официјална изјава за медиумите.
„Нашето семејство е и секогаш ќе биде наш главен приоритет. Влегуваме во ова следно поглавје со благодарност, љубов и добрина. Многу го цениме вашето разбирање и почитување на нашата приватност додека нашето семејство се движи низ оваа транзиција“, напиша славниот пар.
