Сопругата на Џастин Бибер (28), манекенката Хејли Бибер (26), раскажа како нејзиното ментално и физичко здравје влијаело врз неа откако доживеала мозочен удар минатата година.
– После тоа се борев со анксиозност. Се борев со симптомите на ПТСП како стравот дека може повторно истото да се случи, откри Хејли во четвртокот на Run-Through подкастот на Вог.
Таа рече дека била во Палм Спрингс кога доживеала мозочен удар и добила итна медицинска помош минатиот март.
Покрај тоа, таа призна дека дури и самата помисла на настанот за неа е премногу страшна и вознмирувачка, дури и да се раскаже во подкастот. Додаде дека тоа е дефинитивно најстрашното нешто низ кое поминала.
Недолго по нејзиниот мозочен удар, и на Џастин му требаше медицинска помош додека се бореше со синдормот Ramsay Hunt. Болеста му предизвика вкочанетост на едната страна на лицето, која е привремена, но поради парализираноста морал да ги откаже концертите.
