Разводот на фолк-пејачот Харис Џиновиќ и модната креаторка Мелина Галиќ продолжува да ја бранува регионалната јавност. Пејачот во своето најново обраќање повторно отворено говореше за крахот на нивната долгогодишна заедница, истакнувајќи дека денес со поранешната сопруга немаат никаков контакт, дури ни кога се во прашање нивните деца.
Џиновиќ го појасни и својот претходен став дека сам си е крив што „премногу давал“, нагласувајќи дека не мислел на парите, туку на апсолутната слобода што ѝ ја овозможил во нивниот дом:
„Луѓето тоа не го сфатија добро. бев крив што премногу давав и што во куќата немаше поставено никакви граници. Можеше да замине кога сака, да се врати кога сака, да патува каде сака и да троши колку сака… Не е важно колку чинеше сè тоа, јас искрено ја сакав. Но, така сакаше госпоѓата — дама не може да биде. Мислеше дека на крајот од светот има нешто подобро, најверојатно ѝ здосадив и јас“.
Додека Харис не се воздржува јавно да изнесува детали, Мелина и понатаму одбира да молчи, а пејачот кратко порача дека вестите за нејзиниот нов партнер воопшто не го засегаат бидејќи таа за него е само далечна минатост.
