Британските медиуми известуваат дека принцот Хари и Меган Маркл би можеле да објават дека чекаат трето дете на Денот на вљубените. Двојката има две деца – Арчи и Лилибет.
Пред неколку години, тие решија на истиот датум да објават дека го очекуваат своето второ дете Лилибет, која се роди на 4 јуни 2021 година.
Треба да се напомене дека Денот на вљубените е посебен датум за Хари, бидејќи неговата покојна мајка, принцезата Дијана, исто така ја објави својата бременост на 14 февруари во 1984 година.
Уште во октомври, Closer објави дека парот е подготвен да го прошири своето семејство и да имаат уште едно дете оваа година.
„И двајцата се многу отворени за проширување на семејството и би сакале тоа да се случи, а Арчи и Лилибет да имаат уште еден брат или сестра“, изјавил извор за Клосер.
„Тие дефинитивно ќе имаат многу повеќе простор кога ќе се преселат во поголема куќа“, објаснува изворот.
