Пејачката Милица Јокиќ отворено проговори за тешкотиите на јавната сцена, притисокот со кој се соочуваат естрадните уметници и важноста на грижата за менталното здравје.
За притисокот на естрадата и колегите
„Генерално, целиот тој притисок поврзан со естрадата и јавниот живот е факт, секогаш сме под некој притисок и не е лесно“, вели Милица. Таа јавно им упати поддршка на своите колеги Мина Костиќ и Слоба Васиќ, надевајќи се дека Мина брзо ќе закрепне по хоспитализацијата.
Проблемите кои ги носи јавната сцена
Јокиќ објасни дека нејзината професија носи специфична тежина бидејќи јавните личности постојано се под лупа на јавноста.
„Сите те гледаат, секогаш размислуваш дали ќе згрешиш нешто или дали некој за нешто ќе те осуди. Не е лесно, а покрај тоа го имаш и приватниот живот на страна“, искрена е пејачката.
Поради сите овие предизвици, Милица откри дека сериозно размислува да започне со професионални разговори со психолог.
„Сметам дека тоа е сосема нормално во денешно време и не е ништо лошо. Може да донесе само добро за секого од нас, едноставно да поразговараме со некого. Тоа особено ни е потребно нам, на јавните личности, бидејќи немаме многу луѓе околу себе пред кои можеме целосно да се отвориме и да го исфрлиме лошото од себе за да се чувствуваме подобро“, заклучува таа.
„Не одговарам на пораки на Инстаграм“
Кога станува збор за љубовта и запознавањето преку социјалните мрежи, Милица има јасен став – таа лично не практикува таква комуникација и не одговара на барањата за пораки (requests) на Инстаграм бидејќи тоа не ѝ изгледа реално, иако додава дека знае многу парови кои така се запознале и завршиле во брак.
