Гоца Тржан е позната по својата искреност и остар јазик, а овојпат на мета се најде Луна Ѓогани.
Тржан беше гостинка во емисијата на Луна, каде отворено и без задршка го коментираше нејзиното учество во реалното шоу „Задруга“ и турбулентните ситуации низ кои таа поминуваше.
Пејачката директно и во лице го искажа својот став за одлуката на Луна да влезе во ријалити шоуто, при што ја спомена и нејзината мајка, Анабела Атијас.
– Те познавам уште од кога беше дете и морам да ти кажам – не си нормална што влезе во тоа ср*ње. Дали си свесна што си направи? Зошто си го направи тоа на себе? Да имав можност, ќе те истепав – изјави Гоца, додавајќи дека истото ѝ го кажала и на Анабела.
– Тоа ѝ го реков и на мајка ти. Ја прашав: „Зошто не го извлече тоа дете оттаму за коса?“ Многу сум директна кога станува збор за вакви работи. Ѝ реков и: „Сите би ве запалила“. Тоа не е ријалити, туку социјален експеримент. Никогаш не би влегла во таква програма. Те почитувам како дете кое израсна покрај мене, но да бев јас твој родител, ќе те извлечев за коса, па макар сè да продадев, само да не те доведам во ситуација целосно да изгубиш контрола – порача Гоца Тржан.
