Иако изгледаше како страстите да стивнаа, музичкиот свет повторно го потресоа обвинувањата на композиторот Александар Радуловиќ Фута кон музичката ѕвезда Јелена Карлеуша. Имено, Фута неодамна јавно ја обвини познатата пејачка дека наводно крадела песни од неговиот покоен син Милан Радуловиќ Лаќа. Но, на новинарско прашање за судскиот спор меѓу двајцата, сопругот на хитмејкерот Марина Туцаковиќ бурно реагираше, одбивајќи да даде изјава за Карлеуша.
– Немам проблем да зборувам за тоа, но ќе има време за тоа – бесно рече Фута, пренесува Србија Данас, не сакајќи дополнително да коментира на оваа тема.
Потсетуваме, Александар Радуловиќ Фура неодамна во јавноста излезе со тврдења дека пејачката Јелена Карлеуша наводно украла песна од Милан Лаќа Радуловиќ и ја потпишала како своја. Во прилог на ова Фута истакна дека има докази кои ги потврдуваат овие тврдења и дека кога ќе дојде време ќе ги изнесе јавно.
– Дотичната пејачка се потпиша и како свои ги претстави песните на Лаќа, „Ја“, „Абу Даби“ и „Рунде“, како свои. Бидејќи не се занимавам со тоа, како што сум кажал илјада пати, немам намера веќе да ја вртам во круг шупливата приказна. Имам докази за тоа, па ќе дојде и тоа на ред кога ќе треба. Ако некој лажно се претставува како автор на текстот и го објави јавно, тогаш постои термин за тоа што се вика… напишете сами. Инаку, лудиот дедо е супер, фала на комплиментот. Имам контракомплимент: Данинг-Кругеров ефект! Илузорна супериорност, без можност на кој било начин да му се објасни на „пациентот“ дека е во заблуда, затоа што на таквите какво било „нормално и вистинито“ објаснување е невозможна мисија. Значи, не треба ни да се обидувате – изјави претходно Радуловиќ, а пренесе српски Информер.
