За неа ниту дождот ниту студеното време не се пречка да го покаже убавото тело и да се искапе во студена вода среде ноември, и тоа на планина.
Станува збор за Бети Котовачевска од Ресен, на социјалните мрежи позната како Бетика, чија специјалност е капење во студена вода среде зима. Овојпат, Бетика беше во Ротино на планината Баба, едно од нејзините омилени места.
Таа објави инстаграм-приказна како влегува во езерото на дожд, облечена во танга костим за капење кој ги истакнува нејзините облини.
Бетика, позната како ледената Македонка, пред две години беше на експедиција, искачување на Алпите во Франција, организирана од екстремниот холандски атлетичар Вим Хоф, кој е нејзина инспиирација за капење во студена вода.
Ова искачување се разликува по тоа што на Алпите се искачи во шорцеви и маица, а дополнителен предизвик е, како вели таа, тоа што се искачувале сосема гладни и без да се напијат воопшто вода.
Се капела во студена вода во 35 земји, а во Лапонија го поставила својот рекорд во вода која имала нула Целзиусови степени, а надворешната температура била минус 34.
