Поранешниот српски манекен Влада Вуксановиќ, кој во минатото беше во врска со пејачките Наташа Беквалац и Цеца Ражнатовиќ, привлече внимание со нови фотографии од плажа.
Вуксановиќ на социјалните мрежи објави фотографии на кои позира во костим за капење и ја покажа својата мускулеста фигура.
Објавата следува по веста дека се разведува од сопругата Дахиана, со која помина осум години и има две деца – ќерката Валентина и синот Теодор.
По информациите за нивната разделба, на Инстаграм се огласи и Дахиана, која сподели своја фотографија придружена со емотивни стихови.
„Долго го слушав своето срце. И деновите и месеците минуваат, размислувајќи за твојот мирис“, напиша таа.
Вуксановиќ и Дахиана се заедно од 2018 година. Таа потекнува од Доминиканската Република, а поради нивната љубов се преселила во Србија.
