Романтична сцена како од филм се одвиваше на едно од најубавите места во Македонија – Свети Јован Канео, каде за Велигден беше организирано несекојдневно запросување со поглед кон Охридското Езеро.
Во прекрасен амбиент украсен со бело цвеќе и големо срце од цветови, млада двојка одбележа еден од најважните моменти во животот. Со внимателно подготвена декорација, свеќи и романтична атмосфера, запросувањето доби посебна магија, а целиот настан привлече внимание и на социјалните мрежи.
Според објавата, станува збор за „охридско-кумановско запросување“, кое се случило токму на Велигден – ден симбол на љубов, надеж и нов почеток. Емоциите биле очигледни, а моментот овековечен со фотографии и видеа кои го доловуваат моментот.
Овој настан уште еднаш потврдува дека Охрид не е само туристичка дестинација, туку и идеално место за создавање незаборавни животни приказни.
