Дани Димитровска, која во септември се омажи за својот сакан Горан Веселиновски – Весел, сосема се отвори за својот брачен живот.
– Ние сме многу долго време заедно, живееме заедно веќе девет години, така што не мислам дека нешто е сменето, сѐ си е најнормално како што било и претходно. Баш се шегуваме на таа тема, што треба да се смени за да се почувствуваме дека сме официјално сопруг и сопруга.
Сѐ си е океј, тоа беше една забава за да заокружиме 10 години од нашето заедничко постоење. Па си рековме, кога веќе правиме забава зошто да е биде официјално, да ги усреќиме нашите родители и така натаму.
Мене бракот како потпис и како некоја општесвтена норма за исполнување не ми значи ништо, но е добар повод ете, ако тоа се нарекува круна на љубовта, нека биде така. Мене не ми значи ништо. Важно ми е да се разбираме, да се сакаме и да бидеме заедно – рече пејачката за „Хајп“ ТВ.
Во септември, со фотографијата од венчавката, Дани само кусо напиша: „Госпоѓа и господин“. На другата фотографија е и нејзиниот син Лазар кој дојде од Холандија и уште една млада девојка. Може да се забележи дека најсреќен и најнасмеан на фотографијата бил токму Лазар.
