Пејачот Адријан Гаџа се наоѓа во најубавиот период од својот живот. На социјалните мрежи тој неодамна сподели емотивен момент, фотографија на која во нежна прегратка го држи својот неколкумесечен син.
Адријан Гаџа стана татко на 8 мај. Радосната вест ја сподели лично тој, објавувајќи ги тогаш првите фотографии од новороденчето, кои веднаш предизвикаа честитки и убави желби од колегите и пријателите.
Зад оваа семејна идила стои и неговата сопруга Сидорела Даути. Парот ја круниса својата љубов со брак во февруари, непосредно пред раѓањето на нивниот син.
View this post on Instagram
Иако Адријан со години се трудеше да го задржи својот приватен живот далеку од очите на јавноста, веста за нивната венчавка и брзото проширување на семејството одекна како најубава вест во јавноста.
Мајката на Адријан, за која тој често истакнува дека му е огромна поддршка, не ја криеше гордоста што стана баба и често споделува убави семејни моменти со снаата и новородениот внук.
Јавноста најмногу го памети Адријан Гаџа по неговото претставување на Македонија на Евровизија во 2008 година во Белград, каде што настапи со Тамара Тодевска и Врчак со песната „Во име на љубовта“ (Let Me Love You).
