Српската водителка Бојана Јанковиќ беше пронајдена мртва на 19 април во својот стан во Белград, на 46-годишна возраст.
Бојана зад себе остави две ќерки, кои ги доби во бракот со членот на бендот „Белградски синдикат“, Огњен Јанковиќ.
Нивниот брак завршил во мај 2022 година, по 15 години заеднички живот, тој го напуштил станот во кој живееле, а ниту еден од нив не проговорил јавно за причините за разводот.
Дека и по разводот останале во прекрасни односи и дека еден на друг си биле „ветар на грб“, говори и нејзината изјава од пред неколку месеци додека тој веќе бил во љубов со српската актерка Милена Радуловиќ.
Имено, пред извесно време, точно една година откако се разведе од раперот, Бојана објави негова фотографија и напиша:
„Мојата крв. Мојот брат, моето семејство. Најдобриот татко и најдобриот човек на светот. Мојот поранешен сопруг и најголема поддршка во мојот живот. Добар мој Оги“, напишала тогаш водителката со емотикон на срце.
View this post on Instagram
Бојана никогаш не проговори за разводот, а Огњен среќата ја најде покрај актерката Милена Радуловиќ.
Нивната врска трае веќе долго време, а тој јавно ја поддржуваше во текот на судењето со учителот по глума Мика Алексиќ. На едно од претходните судења тие за првпат се појавија рака под рака во јавноста.
Инаку, водителката Бојана се прослави во култната емисија на „Пинк“, „Сити“, која ја водеше со својата сестра близначка Ивана. Убавата и шармантна водителка потоа се повлече од телевизијата.
Пријателите, семејството и бројни јавни личности се во шок и неверица поради смртта на убавата Бојана.
