Еден од најпознатите хрватски композитори, Тончи Хуљиќ, неодамна објави дека пронашол замена за Андреа Шушњари во групата „Магазин“, која ја напушта популарната група од Сплит по дури 14 години.
„Луѓето знаат дека сум пресметан човек, но воден од срцето. Мојата пресметка го работи срцето. Ќе видите. Јас мислам дека сите ќе бидете задоволни. Бидејќи секоја нова пејачка мора да донесе нова енергија“, изјавил тој за „Ин Магазин“.
Во домот на хрватскиот композитор Тончи Хуљиќ, каде што живее со сопругата Вјекослава Хуљиќ, се создадени бројни хитови кои се изведуваат низ целиот регион. Но, малкумина всушност знаат како изгледа куќата на популарниот пар, која се наоѓа во поширокиот центар на Сплит.
Овој дел од градот дополнително го красат пауни кои слободно шетаат, а цените на становите пред десетина години изнесуваа околу 400.000 евра, пренесе своевремено РТЛ.хр.
Инаку, Тончи и Вјекослава се во брак од 1987 година и ги имаат синот Иван и ќерката Хана. Тончи има музичко студио во својот дом, а глава на куќата е, всушност, неговата сопруга.
„Во нашиот дом ги чувам сите четири кантони, и тоа од првиот ден од бракот. Тончи е Далматинец од стар ков кој не готви, не оди во кујна, не плаќа сметки“, раскажала Вјекослава за „Слободна Далмација“.
Инаку, нивната ќерка Хана се омажи за хрватскиот пејач Петар Грашо, со кого доби две деца.
