09:14 - 16 ноември, 2026

(ФОТО) УЖИВАМЕ ВО ДВОРОТ НА МИТА ВО ЗЛЕТОВО: Кој не сака цвеќе, не се сака ни самиот себе!

Денес се наоѓаме во преубавото Злетово, вгнездено по долината на Злетовската Река, на надморска височина од 480 метри, поточно на просторот каде што Злетовска Река излегува од својата клисура, вдлабена во Осоговските Планини. Гости сме на Мита Антовска и во ова сончево време уживаме во нејзиното дворче.

фото-приватна архива
Мита е оператор на машина во компанијата „Адиент“. Одгледува цвеќиња откако знае за себе. И тоа го прави со голема страст и љубов.
За убавината на дворот е заслужна самата таа бидејќи, како што вели, мајка ѝ е постара и не е во состојба да ѝ помага, но затоа, многу ја поддржува.
На овој простор доминираат цвеќиња што имаат цвет, зашто нашата цветна дама е вљубена токму во таквите – расцветани убавици.
Мита е одлично информирана за негата на цвеќињата, вели дека во текот на летото бараат повеќе време за нега, а бараат и повеќе вода, додека сега, на есен, бараат повеќе чистење на листовите. Па, така, во секоја сезона си има куп работа околу нив.
– Немам омилено цвеќе бидејќи сите си ги сакам, сите ми се омилени и најубави, само сакам да имаат цвет!, – искрена е Мита.
Во текот на студените денови дел од цвеќињата ги внесува внатре, но со оглед на тоа што просторот во домот е ограничен, целиот двор ѝ останува со цвеќиња.
Совет за оние кои сакаат да започнат со нега на цвеќе? 

– Прво и најважно треба да сте љубител на цвеќето, да го сакате, а тоа ќе ви врати со својата убавина! Кој не сака цвеќе, не се сака ни самиот себе! – децидна е цветната дама од Злетово.

Инаку, Мита е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!

УЖИВАЈТЕ ВО ФОТОГАЛЕРИЈАТА.

ФОТО – ПРИВАТНА АРХИВА

Слични објави

(Фото) Вистинска дама — Ирена Спировска блесна во маслинесто-златна тоалета со кристали на „Фолк фест Роса“

К.С.

Хороскоп за 16 ноември: Ракови, верувајте ѝ на вашата интуиција

Еспресо

Една порција зелен лиснат зеленчук дневно — што открива истражувањето за помнењето во повозрасната доба?

К.С.

(Фото) Џејла Рамовиќ во впечатливо издание – блесна во мини фустан со кој ги истакна нејзините долги нозе

Еспресо

Сопругата на Лазар Ристовски ѝ одговори на жена која ја нарече спонзоруша: „Ги доби своите пет минути“

Еспресо

„Каде песно моја“ – меланхоличниот евергрин на Славе Димитров што речиси пет децении ја чува својата магија

Т.Ц.
Се вчитува....