Популарната пејачка Наташа Беквалац отсекогаш привлекувала внимание од домашните медиуми, а нејзините чекори често се следени од папараци. Сега, по подолго време, екипа на „Папарацо лов“ се упати на Дедиње, луксузната населба каде што живее, со цел да го следи нејзиното секојдневие.
Првиот ден, искусните папараци ја снимиле пејачката заедно со помладата ќерка Катја и со детската негувателка, додека го носеле девојчето кај стоматолог. Наташа ја возела наследничката до друг крај на градот, а на враќање, заради сообраќајниот шпиц, патот до дома им се продолжил.
Вториот ден бил работен – Наташа е снимена за време на конференција во центарот на градот заедно со политичарот Драшко Станивуковиќ и колегата Ацо Пејовиќ, по повод најавениот настап во Бања Лука.
Третиот ден, пак, го поминала работно. Пејачката стигнала во зграда на телевизијата „Пинк“, каде што снимала празнично издание на емисијата „Премиера“. Веднаш по завршувањето на снимањето, папараците ја следеле за да откријат со кого и како го минува времето.
Натааша потоа се упатила со сестра ѝ Татјана во фотографско студио каде имала закажано фотосесија. Сепак, иако папараците очекувале „жешки кадри“, овој пат тие изостанале.
