Владо Јаневски во една прилика има кажано дека му е тешко кога ја пее песната посветена на неговиот покоен татко, а по неговата смрт мајката му беше сѐ.
-Немам обичај да ги објаснувам моите песни, но тешко ми е кога ја пеам „Што и да е ќе помине“ , посветена на мојот татко- рече пејачот и автор на еден концерт. Откако го загуби татка си, најголемата поддршка му беше мајка му Перса.
Токму една слика од мајка му се појави на социјалните мрежи, а е исечок од весник. На сликата може да се забележи дека Владо многу личи на мајка му. Тој има и сестра за која зборуваше во една прилика.
-Сестра ми ме научи да готвам. Таа си има свое семејство и не можев постојано да одам кај неа на ручек. Па ѝ реков: „Сестро драга, како се прави ова и ова?“ Ме научи да правам осум јадења, и кога не сум излезен некаде на ручек или вечера, знам тие да ги зготвам- рече Владо Јаневски додека живееше во Скопје. Во последните неколку години пејачот живее во Гевгелија.
