Поранешните сопружници Ана Николиќ и Стефан Ѓуриќ Раста беа забележани на иста локација, што веднаш ги разгоре шпекулациите во јавноста. Двајцата се појавиле пред зградата на полициската управа на Вождовац, а со нив била и нивната ќерка Тара.
Ана пристигнала сама со автомобил и се упатила кон возилото на Раста, каде што се наоѓала малата Тара. Заедно со ќерката влегла во зградата на полицијата, а кратко потоа на истото место пристигнал и Раста.
Екипата на емисијата „Папарацо лов“ ги снимила поранешните партнери на истата локација, а според неофицијални информации, причината за нивната посета била чисто формална – најверојатно поврзана со средување документација за детето. По завршувањето на обврските, Ана и Раста заминале секој во своја насока.
Познато е дека и покрај разводот, Ана и Раста одржуваат контакт поради ќерката, иако нивниот однос долго време беше исклучително турбулентен. Во минатото водеа и јавни расправии преку социјалните мрежи, при што Ана изнесе низа обвинувања на сметка на поранешниот сопруг.
Засега останува непознато дали нивните несогласувања се конечно надминати или старите конфликти сè уште тлеат, но оваа заедничка појава покажува дека барем околу Тара се трудат да функционираат како родители.
