Поранешната супермоделка Карла Бруни изгледа неверојатно и на 54 годишна возраст, како времето да не минува за неа, и таа се уште е инспирација дури и за двојно помладите колешки од светот на модата и убавината.
Но, иако се чини дека го открила рецептот за еликсирот на вечната младост, вистината е дека таа прави многу жртви за да ја задржи својата убавина „недопрена“ и покрај одминувањето на времето.
View this post on Instagram
Бруни, тоа не го крие, и детално објасни што прави секој ден за да се одржи во топ форма на 54 години.
View this post on Instagram
Манекенката, пејачка, музичарка и сопруга на поранешниот претседател на Франција Никола Саркози (роден во 1955) за да ја сочува својата вродена убавина се откажува од бројни задоволства.
Во неодамнешното интервју за шпанското издание на Венити фер, Карла зборуваше за односот со своето тело и нејзиниот шарм:
„Немам посебен однос со убавината, ниту онаа што ми се припишува, ниту онаа на другите. Возвишената убавина може да ме фасцинира во Ава Гарднер, Моника Вити или Роми Шнајдер, но повеќе сакам грациозност и шарм. Освен тоа , никогаш не ме привлекувала чиста убавина. Се плашам од стареењето, па дури и од смртта“.
View this post on Instagram
Легендарната манекенка од 90-тите објасни и дека работи напорно за да ја одржува формата: секој ден се посветува на тренинзите по два часа. За неа, сепак, убавината не е важна, харизмата и шармот се основни и токму поради оваа причина таа не е опседната со вечната младост. За Бруни најважно е да остане природна, и – како што вели – горда е на првите брчки што се појавуваат на лицето.
Жената која ја инспирира? Џејн Фонда, која успеа да направи од харизмата нејзино главно оружје за заведување.
