Македонскиот јутјубер и водител Стефан Лазаров и неговата свршеница Марта периодов престојуваат во Охрид, каде ги поминуваат летните денови додека се подготвуваат за пристигнувањето на своето прво дете.
Парот сподели фотографии од својата посета на Свети Наум, а особено внимание привлече Марта, која позираше во бел летен фустан што го истакна нејзиното трудничко стомаче. Стајлингот го надополни со впечатлив шешир украсен со школки.
На една од фотографиите, Марта направи селфи од автомобилот додека Лазаров беше зад воланот, а на нејзината рака се забележува и свршеничкиот прстен.
Двојката во моментов ги одбројува месеците до раѓањето на бебето и ужива во периодот пред да се остварат во родителската улога.
Инаку, неодамна татко стана и близок пријател и долгогодишен соработник на Лазаров, јутјуберот Мандар. Лазаров му е кум, па нивните деца ќе бидат на приближно иста возраст.
