Пејачката Наде Талевска ги разбуди љубопитните погледи на своите следбеници откако на социјалните мрежи му упати посебна роденденска честитка на Филип Ангелковиќ.
На инстаграм-профилот на Филип, може да се види дека тој живее во Лондон и е тренер по ракомет.
„Среќен роденден“ и, „Љубов моја“ беа зборовите со кои Наде го одбележа неговиот роденден, споделувајќи и заедничка фотографија на која двајцата позираат блиску, во опуштена атмосфера покрај вода.
Токму зборовите „љубов моја“ веднаш отворија прашања, дали станува збор за љубовна врска?
Поп и оперската пејачка во неодамнешно интервју за „Слободен печат“ проговори за разводот.
„Изминаа веќе неколку години откако нашите животни патишта се разминаа, меѓутоа неспорен е фактот дека тој е посветен и грижлив татко, кој секогаш е тука како голема поддршка на своите синови“, рече пејачката за сопругот.
Таа е мајка на три сина Максим, Михаил и Матео, а за нив изјави:
„Не би била искрена ако кажам дека е лесно да се биде самохрана мајка, но задоволството е неискажливо кога сведочиш на тоа како твоите деца се развиваат во прекрасни и одговорни индивидуи. И се разбира дека сум ѝ неизмерно благодарна на мојата мајка, која е секогаш покрај мене и безрезервно ме поддржува и ми потпомага за сè во животот“, рече Талевска.
